Atburđir

« Júní »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Nćstu atburđir

Ćfingar

Æfingar eru einu sinni í viku, á fimmtudögum kl. 19:30 - 22:30 í Hnífsdalskapellu. 

Langar þig að prófa? Við tökum vel á móti þér! Kíktu við HÉR.

Hörđur Högnason | mánudagurinn 26. október 2015

Kveđjutónleikar Beötu og Margrétar međ karlakórnum

Beata Joó
Beata Joó
1 af 2

Karlakórinn Ernir kveður stjórnendur sína, þær Beötu Joó og Margréti Gunnarsdóttur með tónleikum í Ísafjarðarkirkju fimmtudaginn 29. október kl. 20:30.

 

Þær hafa leitt kórinn s.l. 9 ár með afar góðum árangri. Einn flottasti afraksturinn af samstarfinu við þær eru 2 hljómdiskar kórsins. Það verða þó stórskemmtilegar samverustundir með þeim á æfingum, tónleikum og í tónleikaferðum, sem karlakórsfélagarnir eiga eftir að sakna. Kemur þar „sífliss" nokkuð við sögu.

Allur aðgangseyrir að tónleikunum rennur til Ísafjarðarkirkju, sem hefur alltaf verið kórnum góður bakhjarl og hjálparhella þegar mikið hefur legið við. Er kórinn með því að greiða fyrir afnot af kirkjunni við upptökur á diskinum „Kvennagull" sem kom út á þessu ári. Kirkjan hefur líka þurft að greiða dýrar endurbætur á orgeli sínu, lagfæra leka í þaki og standa í öðrum kostnaðarsömu viðhaldi, sem hefur tæmt sjóði hennar. Vill karlakórinn hjálpa til við að rétta hag kirkjunnar eins og hægt er og hvetur alla til að taka þátt á fimmtudaginn. Aðgangseyrir er kr. 2.500.- og er posi á staðnum.

 

Kórinn heldur svo tónleika í Guðríðarkirkju í Reykjavík, laugardaginn 31. október kl. 16 og í Selfosskirkju sunnudaginn 1. nóvember kl. 14. Það verða síðustu tónleikar kórsins með Beötu og Margréti.

 

Nýir stjórnendur Karlakórsins Ernis eru söngstjórinn, Bjarney Ingibjörg Gunnlaugsdóttir og píanóleikarinn, Hulda Bragadóttir. Þær munu stýra kórnum á aðventutónleikunum í desember. Eru nýir og gamlir félagar eindregið hvattir til að kíkja á næstu æfingu með þeim, fimmtudaginn 5. nóvember kl. 20 í Hnífsdalskapellu.

Vefumsjón